Search

P’un a ydych yn awyddus i fwcio cwrt badminton gyda’ch partner neu os ydych yn rhan o dîm neu grŵp sydd am drefnu gêm, mae cyfleusterau o safon uchel ar gael yn eich ardal leol.

Mae gweithgareddau gennym i ysbrydoli ac addysgu’n cwsmeriaid iau, be bynnag yw eu hoedran. O weithgareddau gwyliau a sesiynau chwarae meddal i fowlio deg a dringo. Mae amrywiaeth o gyfleoedd cyffrous yn aros i chi yn eich canolfan hamdden gymunedol leol.

Mae cymryd rhan yn ein dosbarthiadau yn llawer o hwyl, ac mae gwneud ymarfer corff mewn grŵp yn ychwanegu’r elfen gymdeithasol honno. Bydd yr elfen honno yn eich annog i ddod i’r sesiynau’n rheolaidd. Mae prawf hefyd ei fod yn helpu i leihau’r risg o glefyd y galon, diabetes math 2 a strôc.

Mae ein canolfannau’n cynnig amrywiaeth o wersi nofio i oedolion a phlant. Prif nod ein gwersi nofio yw meithrin nofwyr hyderus a chymwys a hynny mewn ffordd llawn hwyl a mwynhad. Ein nod yw meithrin y lefel uchaf o hyder yn y dŵr a sgiliau a thechneg nofio o’r radd flaenaf.

Gall mynd i’r gampfa yn rheolaidd eich helpu i ddal ati i wneud ymarfer corff yn rheolaidd. Mae’n ffordd wych o golli pwysau, gostwng pwysau gwaed, helpu’ch iechyd meddwl, a mwy. Dros amser, gallwch edrych yn well, teimlo’n well, a chyflawni pethau wnaethoch chi erioed feddwl sy’n bosibl.